Жастар Саясаты Орталығы

«СПИД – ҒАСЫР УЫ!»

Опубликовано 29.11.2015.

28 қараша  күні жастарды салауатты өмір сүруге тәрбиелеу мақсатында «1-желтоқсан Дүниежүзілік СПИД-пен күрес күні» қарсаңында  университетіміздің барлық факультеттерінде «СПИД – ғасыр уы» атты  акция ұйымдастырылды.

Акция барысында әрбір оқу ғимараттарында студенттерге таратпа қағаздармен бірге СПИД-ке қарсы белгіні білдіретін ленталар таратылды.

Белсенділік танытып қатысқан студенттердің бұл акциясы «Қазақстан жолы» тәрбие-білім орталығында дөңгелек үстелмен жалғасты. Бұл шараға университетіміздің 1 – 4 курс студенттері  «Семей қалалық СПИД-пен күрес орталығының» маманы Жанар Нығметқызының жүргізген  тренинг–дәрісін тыңдады. Кездесуде студенттік ұйымдардың көшбасшылары мен белсенділері өздерін мазалаған сұрақтарына жауап алды. Дөңгелек үстел барысында СПИД-тің зияны мен таралу жолдары туралы бейнеролик пен слайдтар көрсетілді.

Қазіргі таңда ғаламдық маңызы бар осындай іс-шараны ұйымдастырғандарына КазГЮИУ «Қазақстан студенттері Альянсына» алғысымызды білдіреміз!

                                                                                 Жастар саясаты орталығы